Конкурс аўтарскай песьні «Купалаўскія вакацыі»
27 лютага ў Дзяржаўным літаратурным музэі Янкі Купалы пачнецца першы этап конкурсу аўтарскай песьні «Купалаўскія вакацыі». Да ўдзелу запрашаюцца выканаўцы аўтарскай песьні, па выніку фэсту будуць абраныя і ўзнагароджаныя пераможцы ў чатырох намінацыях.
Удзел у фэсьце вольны, адзіная ўмова — выкананьне двух твораў на беларускай мове, бо арганізатары фэстывалю ў першую чаргу імкнуцца да папулярызацыі нацыянальнай гісторыка-культурнай спадчыны, роднай мовы і літаратуры.
Конкурс праводзіцца ў некалькі этапаў:
- 1 этап — люты 2010;
- 2 этап — сакавік 2010;
- 3 этап — красавік 2010;
- Фінальны этап — травень 2010.
Фінальны, заключны этап пройдзе на базе філіяла Дзяржаўнага літаратурнага музэя Янкі Купалы «Акопы», дзе адбудзецца падвядзеньне вынікаў і ўзнагароджаньне пераможцаў дыплёмамі і каштоўнымі падарункамі ў намінацыях:
- лепшая аўтарская песьня;
- лепшы песенны верш;
- лепшае выкананьне песьні;
- лепшая песьня на словы Янкі Купалы.
Заяўкі на ўдзел у першым этапе прымаюцца да 23 лютага 2010 года. У заяўцы трэба пазначыць імя, месца і дату нараджэньня выканаўцы, кантактны тэлефон, аўтараў слоў і музыкі твораў, што будуць выконвацца, а таксама склад удзельнікаў гурта (калі той будзе суправаджаць выступ выканаўцы). Разам з заяўкай трэба даслаць тэксты дзьвюх прадстаўляемых песень. Таксама тэксты песень трэба мець з сабою падчас конкурснага адбору.
Заяўкі на ўдзел у конкурсе дасылаюцца на электронную пошту Дзяржаўнага літаратурнага музэя Янкі Купалы: kupalamuseum@mail.ru.
Даведкі па тэлефоне: