Лідэр «Тараканаў» просіць Аляксея Лукашэнку дазволіць яго назад (відэа)

«Гаспадзін прэзідзент, шо за правакацыя? Как в этам спіске с врагамі нацыі мог аказацца я?». У песьні Сьпірын, прозьвішча якога фігуруе ў сьпісе забароненых у Беларусі музыкаў, называе Лукашэнку Аляксеем, просіцца «дазволіць яго назад» і абвінавачвае ва ўсім Сяргея Міхалка.

Расейскі рокер Дзьмітрый Сьпірын і ягоны гурт «Тараканы» ўзгадваецца ў «сьпісе забароненых у Беларусі музыкаў», які нядаўна трапіў у Сеціва. Там узгадваюцца як беларускія гурты і выканаўцы, так і замежныя. Чыноўнікі катэгарычна абвяргаюць сапраўднасьць гэтага сьпісу. Аднак тым часам па зьвестках прэс-аташэ «Ляпіса Трубяцкога», усе песьні гурта зьнятыя з эфіраў радыёстанцый, а канцэрт у Гомелі пад пагрозай зрыву.