Першы дзень Адборышча адбыўся!
Забаронены 2 разы сёлетні адборачны тур Басовішча распачаўся з трэцяй спробы. Учора ў Менску прайшла першая частка Адборышча.
Вядучыя фэсту Алег Хаменка і Воля Кузьміч прадставілі 10 маладых камандаў, а сябры журы назіралі за выступамі маладых талентаў. Адмысловыя госьці IQ48 парадавалі на заканчэньні ўсіх прысутных сваёй пазытыўнай праграмай.
Перад пачаткам канцэрту лёсаваньнем быў вызначаны наступны парадак выступу гуртоў:
- SKA!RB
- NEVMA
- Авангардшкола
- Relikt
- Людзі сьвятла
- Band A
- Sok
- Lilith
- Termin X
- Krok
Сёньня на пляцоўцы Адборышча ў конкурснай частцы прымуць удзел:
- Маўзэр Папаніна
- РоСтра
- Nothing to Lose
- Parason
- S.D.M.
- Soulsides
- USPLЁSK
- Vodar Susviet
Паміж гэтымі камандамі да пачатку канцэрта таксама будзе праведзенае лёсаваньне аб парадку выступаў.
Сябры журы ўжо сёньня, пасьля выступу 8 камандаў абмяркуюць прафэсійнасьць і таленты маладых гуртоў, кожны паставіць свае адзнакі. У выніку з 18 маладых камандаў будзе абрана 9 гуртоў, якія выйдуць у фінал і будуць змагацца за галоўныя прызы на Басовішча-2006 21-22 ліпеня.
Завершыць двухдзённае Адборышча выступ Легенды беларускага року!
Некаторыя аматары беларускага року дагэтуль гадаюць, якая менавіта зорка будзе выступаць на закрыцьці Адборышча-2006. Хоць большасьць ўжо здагадалася, што са словам “мама” рыфмуецца толькі адна легенда беларускага року, але для часткі гледачоў заключны выступ на Адборышчы стане сюрпрызам.
Фота: w_mechaniczny