У гэты пятнічны вечар Mamont-Promo запрашае ўсіх аматараў слабай долі правесьці разам. У межах праекту Greenship 8 чэрвеня ў менскім «Рэактары» будуць граць маладыя прадстаўнікі рэгі-сцэны Беларусі: «Вкусный понедельник» (ака «Зелёные рукава», Мазыр), «Сонечны Сахалін» (Менск), Mushroom Band (Менск).

Клюб «Графіці», IBAD.ru і BO promo моцна заклапаціліся пытаньнем вострага недахопу вітамінаў і сонца ў музычнай аўдыторыі горада Менску, што асабліва прыкметна ў апошнія дні восені. Доўгімі вязкімі вечарамі на кухні, а таксама вясёлымі вечарамі ў паб-клубе «Графіці» думалі яны думалі, і нарэшце прыдумалі… У якасьці панацэі ад маркотных і лёгкіх рэсьпіраторных захворваньняў арганізатары прапаноўваюць выкарыстоўваць пазытыўныя вібрацыі музыкі рэгі, шчодрая раздача якіх пройдзе 28 лістапада (у суботу) ў Менску ў час апошняга вялікага рэгі фэстывалю адыходзячага году From The Roots To The Fruits!

Удзел у імпрэзе from the ROOTS to the FRUITS прыймуць шэсьць гуртоў, а таксама тры ды-джэі. Рэгі-ноч пройдзе 12 кастрычніка з 21:00 да 5:30 у Менску ў клюбе «Step».