Капэнгаген лічыцца роварнай сталіцай Эўропы — даўжыня роварных дарожак там дасягае 390 кілямэтраў. Аднак і гэтага датчанам мала. Цяпер вырашана палепшыць «самую роварную вуліцу Эўропы»: пашырыць да чатырох мэтраў, перакрыць аўтатранспарт і зрабіць адмысловыя «запраўкі». А цэнтар і ваколіцы злучаць роварныя магістралі.

Да звыклай контурнай выявы мужчыны на пешаходных дарожных знаках далучыцца і «жаночы» адпаведнік. Дызайн знаку з жаночым сылюэтам на «зэбры» падрыхтавала швэдзкая Адміністрацыя дарожнага руху па замове Ўраду Швэцыі.