Група эгіпецкіх і польскіх архэолягаў знайшла руіны знакамітай Александрыйскай бібліятэкі, зьнішчанай вагнём каля дзьвюх тысячаў гадоў таму. Як паведамляе агенцыя France Presse, у выніку раскопаў у раёне магчымага месцазнаходжаньня бібліятэкі былі знойдзеныя рэшткі комплекса з 13 аўдыторыяў, якія, на думку навукоўцаў, маглі зьмяшчаць да пяці тысячаў студэнтаў.