4 чэрвеня 2004 года людзі ва ўсім сьвеце ўзгадвалі пра жахлівую трагедыю, якая 15 гадоў таму адбылася на плошчы Цяньаньмэнь у Пекіне, калі кітайскі камуністычны ўрад загадаў сваім танкам раздушыць мірную студэнцкую дэманстрацыю. У Кітаі таксама пра гэта ўзгадвалі, але там публічныя цырымоніі строга забароненыя, дакладная інфармацыя пра тыя падзеі засакрэчаная, а шчырых афіцыйных ацэнак драмы на плошчы Цяньаньмэнь на даляглядзе ня бачна.