NASA дало магчымасьць інтэрнэт-карыстальнікам вырашаць, на што наступным разам зьвярнуць увагу легендарнаму касьмічнаму тэлескопу «Хабл». Акцыя ладзіцца ў межах міжнароднага году астраноміі — любы карыстальнік можа прагаласаваць за адну з шасьці магчымых мэтаў: яшчэ не сфатаграфаваныя «Хаблам» галяктыкі, плянэтарныя туманнасьці і рэгіён з актыўным зораўтварэньнем.