Сьціпла, душэўна, зь віном, гасьцямі бітком і адкрыцьцём пэрсанальнай выставы мастака Руслана Вашкевіча «Шкала Рыхтэра» галерэя «Ў» учора адзначала дзень народзінаў. А мы прапануем некалькі фотакадраў з урачыстага вечару.

Вы, напэўна, ведаеце Руслана Вашкевіча — эпатажнага, парадаксальнага і нязьменна іранічнага мастака. Яго працы прадстаўлялі Беларусь на Вэнэцыянскай біенале, прадаваліся на аўкцыёне Sotheby’s, дэманстраваліся ў галерэях Нью-Ёрка, Парыжа, Мадрыда. 8 кастрычніка Менск убачыць яго новы праект у галерэі сучаснага мастацтва «Ў».

Сьвежаадчыненая галерэя сучаснага мастацтва «Ў» прэзэнтуе куратарскі праект Сяргея Шабохіна — «Філязофія мас. Беларускі неа-поп арт». Гэта першая калектыўная выстава, якая праходзіць на пляцоўках «Ў».