Блог беларускага журналіста Віктара Малішэўскага трапіў у лік фіналістаў штогадовага конкурсу The Best of Blogs, які ладзіцца медыякампаніяй Deutsche Welle. Былы намесьнік рэдактара «Комсомольской правды» прэтэндуе на перамогу ў намінацыі «лепшы блог на рускай мове».

Выпускніцу факультэту журналістыкі БДУ Ксенію Авімаву прымушаюць заплаціць дзяржаве грошы за тое, што яна адмаўляецца працаваць паводле разьмеркаваньня ў валожынскай раённай газэце «Працоўная слава». Нядаўна Ксенія стала вядомай дзякуючы перамозе на міжнародным конкурсе «Найлепшы блог». Цяпер зь яе спаганяюць 22 мільёны рублёў (болей за 10 тысячаў даляраў).