Намесніца мэра Менску патлумачыла, чаму студэнты болей не будуць мець ільготаў на праезд у грамадскім транспарце. Паводле чыноўніцы, гораду патрэбныя сродкі на падрыхтоўку да чэмпіянату свету па хакеі, што адбудзецца менш чым праз 2 гады, а таксама на будаўніцтва новых дамоў.

У менскіх уладаў няма адзінства аб пытаньні вяртаньня студэнтам ільготаў на праезд. У той час, калі дэпутаты мясцовага парлямэнту выступаюць «за» вяртаньне, адміністрацыя гораду жадае патраціць грошы на нешта іншае. Напрыклад, на чэмпіянат па хакеі, а студэнтам пакінуць толькі частку льготаў альбо нічога.