У Менску пройдзе дабрачынны трыб’ют-канцэрт імя Майкла Джэксана «HISstory». Арганізатарам вечарыны зьяўляецца першы беларускі фан-клюб Майкла Джэксана «King of pop». У межах канцэрту лепшыя выступы беларускіх зорак з арыгінальнымі трэкамі і кавэр-вэрсіямі песень Майкла. Свой удзел ужо пацьвердзілі гурты «Litesound», «Нэйра Дзюбель», «The Champions», а таксама сольныя выканаўцы ПулЯ, Георгій Калдун, Вольга Плотнікава, Аляксандра Гайдук, Берта ды іншыя.

Для аматараў піва імя «Майкл Джэксан» зьвязана зусім не з музыкай. Гэта імя самага вядомага піўнога журналіста, які, на жаль, сышоў з жыцьця 30 жніўня. За сваю прагу піва ён атрымаў мянушку «Паляўнічы».