Жыхары Афін правялі акцыю пратэсту супраць завышаных, на іх думку, коштаў на каву ў кавярнях цэнтру сталіцы. Арганізатары акцыі з дапамогаю сацыяльнай сеткі Facebook прапанавалі жыхарам Афін ігнараваць дарагія кавярні і не наведваць іх на працягу аднаго з сонечных вясеньніх дзянькоў.

Пад націскам акадэмічнай супольнасьці і царквы ў Грэцыі перапісаны падручнік гісторыі для шостай клясы сярэдняй школы. Спрэчкі разгарнуліся наконт «гістарычнай праўды» ў адлюстраваньні грэцка-турэцкай вайны і іншых пытаньняў найноўшай гісторыі Грэцыі.

Выкладчыкі грэцкіх унівэрсытэтаў спыняць страйк, які цягнецца з пачатку 2007 года, абвясьціў у пятніцу прафсаюз унівэрсытэцкіх працаўнікоў Грэцыі (POSDEP). Забастоўка будзе спыненая пасьля 28 сакавіка - на гэтую дату заплянаваныя чарговыя масавыя выступы супраць рэформы вышэйшай адукацыі, якая прапануецца ўрадам.

8 сакавіка выдалася ў Афінах надзвычай гарачым, але не з нагоды сьвята жанчынаў. У чацьвер у Грэцыі адбылося самае жорсткае супрацьстаяньне студэнтаў і паліцыі. Былі параненыя каля 40 чалавек з абодвух бакоў.

Справа ў тым, што апоўдні, нягледзячы на грамадзкі рэзананс, было прынятае рашэньне аб зьменах у Канстытуцыі. Рашэньне аб скасаваньні манаполіі дзяржавы на адукацыю было накіравана на галасаваньне ў парлямэнт. А прыватныя навучальныя ўстановы, натуральна, азначаюць платнае навучаньне.

Зімовая сэсія ў грэцкіх унівэрсытэтах апынулася сарванай пасьля таго, як студэнты вырашылі працягнуць выступы супраць рэформы вышэйшай адукацыі на нявызначаны тэрмін.

Ужо больш за месяц у Грэцыі студэнты бастуюць супраць зьмены адукацыйнага заканадаўства. Дэманстрацыі з кожным днём прыцягваюць больш студэнтаў. Сёньня акупаваныя ўжо 320 факультэтаў (75% усіх факультэтаў у краіне).