З моманту ўвядзення прымусовага размеркавання ў канцы 90-х, чыноўнікі заўсёды казалі, што гэта дабро для маладога чалавека, бо дае «гарантыю першага працоўнага месца для выпускніка». Паступова рыторыка змянілася, і яны ўжо не хаваюць, што сістэма прымусовай працы маладых спецыялістаў створаная, каб затыкаць дзіркі там, куды дабраахвотна працаваць ніхто не ідзе.