У буйнейшым у краіне IT-унівэрсытэце адкрыўся студэнцкі бізнэс-інкубатар. Паводле яго стваральнікаў, гэта першая творчая пляцоўка для студэнтаў, якая дазволіць ім знайсьці парады і грошы на ўласныя «сьмелыя ідэі», а цяперашнім бізнэсмэнам — падрыхтаваць сваю зьмену і «будучае пакаленьне інтэлектуальнай эліты». Вырошчваць нашых Джобсаў і Цукербергаў будуць пры маральнай і грашовай падтрымцы беларускага Парку высокіх тэхналёгій і ІТ-прадпрымальнікаў. На адкрыцьці інкубатару пабываў адзін з галоўных мэдыягерояў мінулага тыдня — дырэктар Парку высокіх тэхналёгіяў Валеры Цэпкала.