Сябры журы «Адборышча-2007» прыступілі да праслухоўваньня дэма-запісаў 53 гуртоў, якія ўдзельнічаюць у першай частцы адборачнага туру на фэстываль «Басовішча-2007». 6 чэрвеня ў наступны тур пройдуць 20 камандаў. Як будзе ажыцьцяўляцца адбор?

Гарачы час падрыхтоўкі да фэсту пачынаецца. Маладыя гурты шукаюць інфармацыю, калі падаваць заяўкі. Арганізатары зь беларускага боку вядуць перамовы між сабою і БАСам, а самыя прадбачлівыя наведвальнікі Басовішча нясуць дакуманты на візу ў польскую амбасаду. Прагнозы, новыя асобы, даты – экшн ужо пачынаецца.