Гульня пра рыцараў «Легенды Айзэнвальда» ад менскіх праграмістаў, ужо бэта-версія якой паспяхова прадаецца па свеце, стане першай RPG, што ў афіцыйным рэлізе мае беларускамоўную версію.

Менскія праграмісты з невялікай кампаніі Aterdux Entertainment за адзін месяц здолелі сабраць у Інтэрнэце $50 тыс. ахвяраванняў, якія накіруюць на стварэнне кампутарнай гульні. Агульная сума, што паступіла праз папулярны партал стартапаў Kickstarter на праект гульні, склала $80 тыс.. Гэта зрабіла беларускую кампанію самай паспяховай на Kickstarter ва ўсім рэгіёне.