На мінулым тыдні ў Менск на некалькі дзён завітаў Аляксандр Гронскі, каб адкрыць тут выставу World Press Photo. Гісторыя гэтага маладога фатографа нагадвае сюжэт рамантычнага кіно. Хлопца вытурылі са школы пасля 9-га класу за дрэнныя адзнакі і прагулы. Ён лайдачыў і тупіў, але аднойчы сустрэў дзяўчынку-мастачку і, каб спадабацца ёй, схлусіў, што фатаграфуе. Цяпер Аляксандр Гронскі лаўрэат шматлікіх фотапрэмій і адзін з лепшых пейзажыстаў-фатографаў сучаснасці, які, аднак, не верыць у самародкаў.