«Я сілкуюся энергіяй людзей. Пры канцы я адчуваю сябе чалавекам з суперсілай, гатовым чытаць і дарыць эмоцыі да бясконцасці», — кажа Алесь.

Чым жыве сучасны малады паэт, і чаму яму важна выступаць на публіцы? Generarion.bY трапіў у адзін з менскіх хостэлаў, дзе паэт Алесь Снег у прыцемках пачытаў свае вершы і распавёў, чаму ён не творыць пад таблеткамі.

14 жніўня Дом культуры La Mora ладзіць беларуска-ўкраінскі творчы вечар. Але ж гэта не такі Дом культуры, які стэрэатыпна можна сабе ўявіць. Тут няма вялікай сцэны і сотняў драўляных крэслаў, няма ўрачыста апранутых вядучых з завучаным тэкстам, сюды не зганяюць на мерапрыемствы школьнікаў. La мора – арт-прастора для вольнай творчасці. А цяпер падрабязней пра тое, што адбудзецца там 14 жніўня, дакладней пра тых, хто там будзе.