Студыя дызайну «Адліга» адчыніла дзьверы сваёй творчай майстэрні — інакш офіс не назавеш — і паказвае ўсім званым і нязваным гасьцям свае працы за апошнія некалькі гадоў. Паглядзець выставу альтэрнатыўнага плякату, памацаць дызайнэрскія натхняльнікі ды набыць тое, што яшчэ не распрададзена, можна ў самым цэнтры Менску.

Студыя дызайну «Адліга» пакажа і падзеліцца нажытым за шчасьлівыя гады дызайну. У Менску пройдзе шырокафарматны паказ альтэрнатыўнага беларускага плякату і вялікі гаражны распродаж дызайнэрскіх аб’ектаў і сувэніраў «Уваход праз дызайн».