Office мяняе «Парадыгму»

Сродкаў для працы з тэкстамі на беларускай мове стала болей. Распрацоўшчыкі папулярнай праграмы для праверкі правапісу «Літара» абвясьцілі пра выхад новага дадатку да пакету Microsoft Office — праграмы «Парадыгма», якая дазваляе адным клікам пазнаёміцца з усімі формамі слова і правільным націскам у любой з гэтых формаў.

Пад такой мудрагелістай назвай хаваецца электронны слоўнік з сотнямі тысяч словаформаў. Ён дазваляе праскланяць\праспрагаць і іншым чынам зьмяніць слова. Зрабіць гэта можна літаральна адным клікам пасьля спампоўкі і ўстаноўкі «Парадыгмы».

 

«Праграма праверкі арфаграфіі, гэта толькі арыенцір для карыстальніка, які прымушае яго засумнявацца, палезьці ў слоўнік, адпаведную даведку для сябе зрабіць, — распавёў Нашай Ніве стваральнік праграмы Фёдар Піскуноў. — Таму зьявілася ідэя, каб праверка арфаграфіі і слоўнік з даведкамі былі ў комплексе — гэта ж натуральна».

«Парадыгма», на жаль, працуе толькі з Microsoft Word 2000–2003 (2007 застаўся па-за бортам праграмісцкай творчасьці з-за абмежаваньняў Microsoft) і не навучаная клясычнаму правапісу. Што, аднак, ня моцна абмяжоўвае яго прыхільнікаў у карыстаньні праграмай.

Між іншым, абвешчана пра выхад абноўленай (ліпень 2008) вэрсіі праграмы для праверкі арфаграфіі Літара. Спампаваць «Парадыгму» і «Літару» можна на сайце распрацоўшчыкаў праграм пасьля рэгістрацыі.

Каментары праз FACEBOOK



 
In 0.0505 seconds.