Пакаленьні Басовішча: неапублікаваныя раней здымкі людзей на Басовішчы апошніх трох год (2005, 2006, 2007)

­Басовішча-2008 ужо зусім на носе. Упершыню буйнейшы беларускі рок-фэстываль праходзіць у зоне шэнгену, што адбіваецца як на складзе ўдзельнікаў фэсту, так і на магчымасьці гледачоў наведаць штогадовы фэстываль. Але аўтыспыншчыкі зь візамі ўжо расьцягнуліся па трасе, а некаторыя ўжо ставяць першыя намёты за сцэнаю Басовішча.

Generation.bY падняў свае фотаархівы з Басовішчаў некалькіх апошніх год. За фэст фатографамі робяцца сотні і тысячы здымкаў, а публічна выкладаецца звычайна толькі пару дз­есяткаў. Прагледзеўшы неапублікаваныя здымкі з 2005-2007 гадоў з тварамі старых, новых і будучых знаёмых, мы натхніліся і вырашылі падзяліцца рэтра-фотамі. Найперш гледачоў фэстывалю.

Выкладаем на старонкі Generation.bY неапублікаваныя раней фотаздымкі людзей на Басовішчы. Некаторыя з тых, што на фота энэргічна танчаць пад сцэнаю ў 2005-м ці 2006-м ужо ажаніліся ці нават гадуюць дзяцей, а нехта замест прыгодніцкага аўтаспыну расьсякае па вуліцах на ўласным аўто, хтосьці не зьмяніўся зусім. Шукайце сябе і сваіх знаёмых! Пачынаем з Басовішча-2005.

Басовішча 2005

• Новы фотаблог «Людзі на Басовішчы-2005 у 25 здымках»

Дарэчы, чаму менавіта з 2005 году пачынаем? Менавіта ў гэтым годзе мы дабраліся да фэстывалю, хоць спробы былі, мабыць, з году 2000-га. А ў 2005 годзе шэсьць удзельнікаў каманды Generation.bY (тады яшчэ Studenty.by) выправіліся на фэст аўтаспынам, пра што й напісалі ў адмысловым матэрыяле «Аўтаспынам на Басовішча 2005». Бачна, досьвед падаўся цікавым многім, бо за 2005 год гэты матэрыял стаў рэкордным на старонках сайту па праглядальнасьці.

Басовішча 2006 

•  Новы фотаблог «Людзі на Басовішчы-2006 у 22 здымках»

На гэтым фэсьце Юрка Сідун, падавалася, быў з фотаздымачом паўсюль. Ня дзіўна, што архіў фотак Басовішча таго году сягае болей 2000 здымкаў. Зь іх каля 300 былі апублікаваныя на Generation.bY у матэрыяле «Вялікая фотасправаздача з Басовішча-2006», дзе ў 28 фотарэпартажах адлюстраваныя выступы гасьцей фэстывалю, удзельнікаў конкурснай часткі і іншых падзеяў Басовішча. Адчынены тады ў межах сайту разьдзел «Фотаблог» быў якраз дарэчы.

Тым часам, у 2006 годзе ўпершыню было праведзенае «Адборышча» — беларускі адборачны этап Басовішча з выразнай канцэпцыяй. Аднавіць эмоцыі, альбо паглядзець, як гэта было, можна ў адмысловым фотарэпартажы «Самая поўная фотасправаздача з «Адборышча-2006». А адразу пасьля Басовішча зь ініцыятывы актыўных жж-юзэраў адбылася offline-сустрэча жж-карыстальнікаў, якія былі на Басовішчы. Адтуль таксама ёсьць фотаблог.

Басовішча 2007

• Новы фотаблог «Людзі на Басовішчы-2007 у 12 здымках» 
  

Тут працы і новых фотак ужо паменей, бо ў публікацыі «200 фотаздымкаў у 25 фотарэпартажах з Басовішча-2007» мы ў мінулым годзе выкладалі сярод фотаблогаў з выступамі канкрэтных гуртоў два тэматычныя менавіта пра гледачоў фэсту:

• Шукай сябе на Басовішчы-2007 альбо людзі на фэсьце
• У аб'ектыве асобныя наведвальнікі Басовішча-2007  

Generation.bY з 2005 году інфармацыйны партнэр фэстывалю. За тры гады на старонках сайту апублікавана болей 600 фотаздымкаў у 70 тэматычных фотаблогах, і разьмешчана болей 100 публікацыяў на тэму падрыхтоўкі і правядзеньня буйнейшага беларускага рок-фэстывалю.

Да адкрыцьця Басовішча-2008, якое таксама называюць першым «візавым» Басовішчам,­ засталіся гадзіны.