«Актуальныя рыфмы» — новая сэрыя ад вулічнага мастака Дрыма

Мастак Dream, публікацыя пра якога на Generation.by моцна нашумела гэтым летам, даслаў нам новую сэрыю сваіх працаў. Гэтым разам на вуліцах беларускіх гарадоў зьявіліся вершы. Купала, Колас і Багдановіч, Пушкін і Маякоўскі, Цой і Міхалок, Вольскі, Гілевіч і Някляеў, Геніюш, Караткевіч ды іншыя — рыфмы сучасьнікаў і клясыкаў праз трафарэты вулічнага мастака трапілі на сьцены Менску, Гомелю, Горадні ды Віцебску.

Папярэднія і гэтыя працы можна знайсьці таксама ў блогу мастака dream-minsk.blogspot.com.