Чэхія, Вугоршчына, Польшча і Славакія прапануюць стыпэндыі для беларускіх студэнтаў
З пачаткам верасьня тэма навучаньня як ніколі актуальная. Актывізуюцца і замежныя адукацыйныя праграмы з прапановамі для беларускіх студэнтаў навучаньня ў эўрапейскіх краінах.
У 2009 годзе Міжнародны Вышэградзкі Фонд рэалізуе спэцыяльную праграму для Беларусі. Праграма прапаноўвае беларускім студэнтам і навукоўцам 80 сэмэстраў навучаньня ў любым дзяржаўным ці прыватным унівэрсытэце
Вышэградзкая Група (таксама вядомая як Вышэградзкая Чацьвёрка, у скароце ад ангельскай V4) зьяўляецца рэгіянальным саюзам чатырох цэнтральнаэўрапейскіх дзяржаў — Чэскай Рэспублікі, Рэспублікі Вэнгрыя, Рэспублікі Польшча і Рэспублікі Славакія.
Стварэньне Групы было ініцыявана так званай Вышэградзкай Тройкай 15 лютага 1991 года на сустрэчы Прэзыдэнта Чэхаславакіі Вацлава Гавэла, Прэзыдэнта Польшчы Леха Валенсы і Прэм’
Ідэя сустрэчы 1991 году базавалася на сустрэчы высокага ўзроўню, якая праходзіла ў гэтым месцы яшчэ ў далёкім 1335 годзе. Тады вышэградзкі замак прымаў трох палітычных лідэраў рэгіёну — Яна Люксэмбургскага, караля Багеміі, Чарльза Роберта I, караля Вугоршчыны і Казіміра III, караля Польшчы. Тая сустрэча стала падмуркам для мірнага існаваньня і сумеснай эканамічнай палітыкі трох дзяржаў. Галоўная мэта — інтэнсыфікацыя супрацоўніцтва і сяброўства ва ўмовах зьменаў між трыма дзяржавамі — стала галоўным заданьнем для сустрэчы саюзьнікаў напрыканцы XX стагодзьдзя.
Стварэньне Вышэградзкай Групы у 1991 годзе асноўвалася на прынцыпах узаемнай салідарнасьці і агульных каштоўнасьцяў, такіх як сучасная прававая дзяржава, парлямэнтарная дэмакратыя і сучасная вольная рынкавая эканоміка.
На сёньня Вышэградзкая Група зьяўляецца форумам для супрацоўніцтва і кансультацый чатырох цэнтральнаэўрапейскіх дзяржаў у розных сфэрах і на розных узроўнях. Рэгулярныя сустрэчы праводзяцца на ўзроўні прэм’
У 2004 годзе чатыры дзяржавы Вышэградзкай Групы сталі членамі Эўрапейскага Саюзу. Пасьля дасягненьня гэтай ключавой мэты — уваходу краін у эўрапейскія структуры — Вышэградзкая Група пачала распрацоўваць і ажыцьцяўляць сумесную палітыку ў дачыненьні да суседніх дзяржаў, падзеленых калісьці «жалезнай заслонай» ва Усходняй, Цэнтральнай і
Міжнародны Вышэградзкі Фонд
Міжнародны Вышэградзкі Фонд быў заснаваны ў 2000 годзе ў якасьці адзінай інстытуцыі Вышэградзкай Групы, місіяй якога было фінансаваньне розных праектаў у галіне культуры, адукацыі, навуковага абмену, абмену моладзьдзю, прымежнага супрацоўніцтва і папулярызацыя турызму. На дадзены момант дзейнічае 4 праграмы грантаў, 3 адукацыйныя праграмы і творчая праграма, якія рэалізуюцца ў 11 тэрмінах. Галоўнымі ўдзельнікамі грантавых праграм зьяўляюцца няўрадавыя некамэрцыйныя арганізацыі, муніцыпалітэты і асобныя грамадзяне.
Вышэградзкая Група ня мае сакратарыяту, а яе дзейнасьць каардынуецца міністрамі замежных спраў. Адзінай інстытуцыяй зьяўляецца Міжнародны Вышэградзкі Фонд. Фонд быў заснаваны урадамі чатырох
Галоўнай мэтай Фонду зьяўляецца дзейнасьць, скіраваная на разьвіцьцё больш цеснага супрацоўніцтва краін Вышэградзкай Групы зь вялізарным рэгіёнам Цэнтральнай і Усходняй Эўропы, а таксама заходніх Балканаў. Бюджэт Фонду складае 5 мільёнаў эўра і складаецца з унёскаў
Вышэградзкія ўнівэрсытэцкія праграмы
Ад 2007 году Фонд прапануе праграму Вышэградзкіх Унівэрсытэцкіх грантаў (Visegrad University Studies ці Curriculum Program) мэтай якой зьяўляецца разьвіцьцё і паляпшэньне ўнівэрсытэцкіх стасункаў і праграм у вышэградзкім рэгіёне.
Больш за тое, Фонд рэалізуе адукацыйныя праграмы ня толькі для зацікаўленых асобаў з краін Групы, але і для навучэнцаў з наступных краін: Албанія, Арменія, Азербайджан, Беларусь, Боснія і Герцагавіна, Харватыя, Грузія, Македонія, Чарнагорыя, Расія, Сербія ды Украіна.
Ад 2003 году больш за 500 навучальных візытаў рознага ўзроўню было фінансавана Вышэградзкім Фондам. Навучэнцы з краінаў, якія не ўваходзяць у Вышэградзкую Групу, могуць свабодна абіраць дзяржаўную ці прыватную вучэльню (зарэгістраваную ў Міністэрстве Адукацыі) у любой з краін Групы.
Актуальныя тэрміны
- 31 студзеня
Адукацыйная праграма (Visegrad Scholarship Program) - 15 лютага
Універсітэцкая праграма (Visegrad University Studies Grant)
(Curriculum Program)
Стратэгічная праграма (Visegrad Strategic
Program) (тэрмін I.) - 1 сакавіка
Малыя гранты (Small Grants) - 15 сакавіка
Стандартныя гранты (Standard Grants) - 15 траўня
Стратэгічная праграма (Visegrad Strategic
Program) (тэрмін II.) - 1 чэрвеня
Малыя гранты (Small Grants) - 1 верасьня
Малыя гранты (Small Grants) - 10 верасьня
Творчая праграма (Visegrad Artist
Residencies) - 15 верасьня
Стандартныя гранты (Standard Grants) - 1 сьнежня
Малыя гранты (Small Grants)
Карысныя спасылкі
- Міжнародны Вышэградзкі Фонд: visegradfund.org
Афіцыйная старонка Фонду: апісаньне ўсіх праектаў разам з умовамі ўдзелу, неабходныя дакумэнты, каляндар актуаліяў, інфармацыя пра Фонд, спасылкі і г.д. - Афіцыйны Партал Вышэградзкай Групы: visegradgroup.eu
Старонка Вышэградзкай Групы: штодзённа навіны з рэгіёну, каляндар падзеяў, інфармацыя пра кожнуюкраіну-ўдзельніка Групы, афіцыйныя дакументы і г.д. Вышэград-пошук : visegradfind.visegradfund.org
Онлайн база пошуку партнёраў для праекту- Старонка пра прапановы для беларускіх студэнтаў: visegradfund.org/belarus.html
Афіцыйнай мовай Вышэградзкай Групы і Міжнароднага Вышэградзкага Фонду зьяўляецца ангельская.