Топ-10 сучасных і традыцыйных прыкметаў

­Нават у ХХІ стагодзьдзі людзі вераць у прыкметы. Прычым, у моладзі і сталага пакаленьня забабоны розныя.

Брытанскі канал Sky Real Lives сабраў прыкметы, у якія верыць моладзь і сталае пакаленьне, і параўнаў іх. Як сталася, абедзьве генэрацыі дагэтуль вераць розным забабонам. 

Топ-10 моладзевых прыкметаў:

1. Апранаць «шчасьлівы» прадмет адзеньня на ўдачу;
2. Закрэсьліваць у лятарэйным білеце лічбы, якія штосьці значаць;
3. Глядзець у вочы таму, зь кім чокаесься, каб пазьбегнуць сямі год няшчасьцяў (дарэчы, вэрсіяў, для чаго гэта робіцца, шмат);
4. Правіла «трох дзён» — не тэлефанаваць таму, хто табе падабаецца, на наступны дзень, а вытрымаць пэўны тэрмін;
5. Выконваць правілы кшталту «не зьмешваць» і «не падымаць градус» на вечарынках;
6. Пераварочваць на ўдачу адну цыгарэту ў пакунку фільтрам уніз;
7. Перапісваць і перасылаць сябрам «лісты шчасьця»;
8. Ніколі не ставіць новыя боты на стол;
9. Фарбаваць уваходныя дзьверы ў шчасьлівыя колеры, кшталту чырвонага, і пазьбягаць чорнага;
10. Шукаць праз Google сваё імя: калі знойдзецца спасылка — будзе ўдача;

Топ-10 традыцыйных прыкметаў:

1. Дакранацца да дрэва, каб пазьбегнуць суроку;
2. Не адчыняць парасон у хаце;
3. Не праходзіць пад драбінамі;
4. Верыць у гараскопы;
5. Не дазваляць жаніху бачыць нявесту ў вясельнай сукенцы да вясельля;
6. Калі на галаву зваліўся птушыны «сюрпрыз» — гэта на шчасьце;
7. Разьбітае люстэрка — сем год няшчасьцяў;
8. Калі чорная котка перабегла шлях — чакай бяды;
9. Кідаць соль праз левае плячо — на ўдачу;
10. Пазьбягаць лічбы 13.

Малюнак з Nundesign.com­­