Стыпэндыі для навучаньня ў ЗША
Эўразійская праграма студэнцкага абмену (UGRAD), праграма Бюро адукацыйных і культурніцкіх справаў Дзярждэпартамэнта ЗША, прадстаўляе стыпэндыі студэнтам першых, другіх і трэціх курсаў для недыплёмнага навучаньня ў ЗША на працягу 1 году.
Праграма для студэнтаў першых, другіх і трэціх курсаў з Арменіі, Азербайджану, Беларусі, Грузіі, Казахстану, Малдовы, Расейскай Федэрацыі, Таджыкістану, Украіны і Ўзбекістану разлічана на 1 поўны год недыплёмнага навучаньня ў ЗША ў наступных сфэрах :
- сельская гаспадарка бугальтарская справа
- амэрыканскія вучэньні
- антрапалёгія
- біялёгія
- бізнэс
- хімія
- крымінальная юстыцыя
- вылічальная тэхніка
- эканоміка
- адукацыя
- інжынэрная справа
- ахова навакольнага асяродзьдзя
- геалёгія
- міжнародныя стасункі
- журналістыка і сродкі масавай інфармацыі
- права
- фізыка
- паліталёгія
- сацыялёгія
- псыхалёгія і гарадзкое плянаваньне
Стыпэндыяты самі абіраюць сфэру, у якой будзе праводзіцца навучаньне. Першакурсьнікі будуць наведваць двухгадовыя грамадзкія каледжы і будуць жыць у інтэрнатах на кампусе альбо амэрыканскіх сем’ях. Студэнты другіх і трэціх курсаў будуць наведваць чатырохгадовыя каледжы і унівэрсытэты і будуць жыць на кампусе ў інтэрнатах.
Заяўку можна падаць на разгляд у офіс International Dialogue па адрасе: Менск, вул. Сурганава,28А, пакой 104 Тэл. (017) 285-71-72, (029) 756-46-98
Дэдлайн для падачы заявак на стыпэндыю – 20 лістапада 2006 году, 17:00.
Больш падрабязную інфармацыю, а таксама анкеты для заяўкі шукайце на сайце International Dialogue.