16 ліпеня на хутары Шаблі адбудзецца другі open-air «Канцэрт на траве». У фэсьце жывой музыкі і добрага настрою сярод маляўнічых лугоў возьмуць удзел гурты «У нескладовае», Vinsent, The Silicon, Akute.

Інструмэнтальнае трыо The Silicon грае з 2008 году, аднак музыкаў з гурта, вядомых па іншых музычных праектах, пачаткоўцамі ніяк не назавеш. Тыя, каго не пакідаюць абыякавымі саўндтрэкі да таранцінаўскіх фільмаў, зацэняць працу «сілікону», які выконвае сёрф-рок-н-рол у стылі добрых 60-х, з элемэнтамі рокабіліці і гаражнага року. Фотарэпартаж з канцэртнай прэзэнтацыі альбому The Silicon — у нашым фотаблогу.