Для сучаснага пакаленьня прыхільнікаў мэтал-музыкі Gods Tower сапраўдная легенда: «жылі-былі гадоў 10 таму ў Гомелі музыкі, якія праславілі Беларусь далёка за яе межы…» Рызыкоўная і дзёрзкая ідэя аднавіць легендарных «таўэраў» вылілася ў магутны канцэрт у Менску. «Ня было ніякай надзеі на тое, што гэта магчыма», — гледзячы на сцэну клюбу «Рэактар» пасьля першага менскага канцэрту адноўленага гурта, распавядае Generation.by фронтмэн Gods Tower Lesley Knife.