Ня гледзячы на крызыс і недахоп валюты, наяўнасьць каля ўваходу на мерапрыемства такіх (ужо звыклых) рэчаў, як звышканцэнтрацыя рознае міліцыі і брыгад хуткае дапамогі «для бясьпекі», у Менску ўсё ж зрэдку яшчэ ёсьць што паглядзець і дзе сябе паказаць. 26 траўня да «бульбашоў» завіталі «дзеці кукурузы» — каліфарнійскі гурт KoЯn.

Нягледзячы на эканамічны крызыс у краіне і масавыя адмены канцэртаў, сьвята для аматараў мэлядычнага экстрэмальнага мастацтва адбудзецца згодна з раскладам. 26 траўня ў сталічным Палацы Спорту выступіць легендарная група KoЯn. За 16 гадоў існаваньня гэты калектыў трывала зацьвердзіўся ў статусе «бацькоў» ню-мэтал руху і прадаў больш за 30 мільёнаў дыскаў па ўсім сьвеце.