На ўрачыстай цырымоніі ўзнагароджаньня 23 чэрвеня былі абвешчаныя пераможцы Другога фэстывалю беларускамоўнай рэклямы і камунікацыі AD.NAK!. Сэрыя мастацкіх інсталяцый на вуліцах Менску «Бел-чырвона-белае» і «Забароненыя музыкі» атрымала Гран-пры ў намінацыі «Беларускаарыентаваны рэклямны і камунікацыйны праект» і першае месца ў намінацыі «Грамадзказначныя праекты ў галіне мастацтва і культуры»

У межах Другога Фэстывалю беларускамоўнай рэклямы і камунікацыі AD.NAK! зь ініцыятывы культурніцкай кампаніі «Будзьма беларусамі!», асноўнага арганізатара мерапрыемства, абвешчаны крэатыўны конкурс маладых рэклямістаў. Гэты конкурс ладзіцца супольна зь «Беларускім фондам SOS-Дзіцячая вёска». Удзельнікам конкурсу неабходна стварыць дызайн постэра альбо сэрыі постэраў на тэму сіроцтва па адным з прапанаваных арганізатарамі заданьняў.

Аргкамітэт Першага фэстывалю беларускамоўнай рэклямы і прамоцыі Adnak! на брыфінгу ў галерэі «Ў» падвёў вынікі мерапрыемства і аб’явіў, што ўсе асноўныя мэты і задачы фэстывалю былі пасьпяхова дасягнуты і выкананы. Неабходна было ня толькі сабраць максымальную колькасьць удзельнікаў і работ, але і зразумець, у якім становішчы знаходзіцца гэтая галіна рэклямы, які ў яе патэнцыял, вызначыць шляхі далейшага разьвіцьця.