Беларускае зямляцтва Маскоўскага дзяржаўнага інстытуту міжнародных зносін МЗС РФ (МГИМО) прыняло ўдзел у арганізацыі і сьвяткаваньні Дня міжнароднай кухні, які праводзіцца ва ўнівэрсытэце ўжо другі год. Беларускія студэнты-міжнароднікі прапанавалі гасьцям пакаштаваць смачныя дранікі са сьмятанай, паляндвіцу, печыва беларускай вытворчасьці, травяную гарбату ды іншыя стравы, а таксама падрыхтавалі відэаролік пра беларускую нацыянальную кухню.