Пампэзнымі карнаваламі вядомая ня толькі Лацінская Амэрыка, але й Эўропа. Адным зь вядомых карнавалаў у Заходняй Эўропы лічыцца Кёльнскі, які афіцыйна распачынаецца 11.11 ў 11 гадзін 11 хвілін і працягваецца сапраўднымі вулічнымі сьвяткаваньні ў лютым.

Заснавальнікамі штогадовай традыцыі правядзеньня карнавальных вечарынаў у Беларусі сталі таксама немцы. У гэтым годзе на Карнавал у Rio de Baranowitschi 5 лютага запрашае выкладчык фундацыі Робэрта Боша Якоб Ханц, а 27 лютага «Карнавал па-кёльнскі ў Менску» арганізуе Нямецкая амбасада ў Беларусі.