Да 30 верасьня ідзе збор аўтарскіх казак для ўдзелу ў конкурсе «Зачаруй казкай» з каштоўнымі прызамі. Па выніку лепшыя аповеды будуць выдадзеныя ў фармаце зборніка.

У выніку шматгадовай працы, у часе якой былі сабраныя каля 70 народных казак з розных беларускіх мясьцінаў, запісаныя 10 кампакт-дыскаў. У запісе ўнікальнага аўдыёпраекту ўдзельнічалі лідэр «Палацу» Алег Хаменка, радыёвядучая і пісьменьніца Тамара Лісіцкая і адзіная ў Беларусі прафэсійная апавядальніца менавіта беларускіх народных казак Людміла Рыжкова. Пра тое, каму можна слухаць казкі з апошняга дыску, а каму — не, распавёў Generation.bY ініцыятар праекту Алег Хаменка.