16 верасьня міжнародны дзень абароны азонавага слоя плянэты Зямля. Гурт «Дядюшкин сон» будзе ўшчыльняць слаі атмасфэры, перапрацоўваць вуглякіслы газ і зараджаць паветра пазытыўнымі часьцінкамі мэтадам гукавога рэзанансу.

Беларускі музычны праект «Дядюшкин сон» зьяўляецца бліскучым вынікам ужо амаль дзесяцігадовага супрацоўніцтва трох музыкантаў — гітарыста, басіста і бубнача. Зь вясёлых хлопцаў, што брынкаюць бадзёрыя поп-рокавыя мэлёдыі, яны паступова эвалюцыянавалі ў калярытных фанк-пэрсанажаў сталічнай андэграўнднай сцэны.