Канцэрты — яны як алькаголь. Бываюць як піва — раз павесяліўся і ўсё адышло, ці як гарэлка — спачатку чад і весялуха, а з ранку «млявасьць і абыякавасьць да жыцьця», бываюць канцэрты, як добрае віно ці каньяк — сапраўдны густ праяўляецца толькі праз некаторы час, ці як абсэнт — сюр, абсурд і сапраўднасьць несапраўднага. Менавіта такім быў канцэрт піцерскага гурта «АукцЫон», што адбыўся 4 сакавіка ў Менску.