На Rock Profi 2016 перамог гурт Re1ikt

26 траўня ў клубе ili адбылася цырымонія ўручэння музычных узнагарод Rock Profi. Дзве галоўныя ўзнагароды – "Альбом года" і "Артыст года" – з рук Лявона Вольскага і Ігара Варашкевіча атрымаў гурт Re1ikt.

Узнагароды Rock Profi – адзіная ў Беларусі прафесійная музычная прэмія – адбываюцца з 2013 года. Пераможцы вызначаюцца па галасах музыкаў, працуючых у напрамках рок, індзі, альтэрнатыва, якія выдалі альбомы ў апошнія тры гады. Rock Profi 2016 – першы выпадак за чатыры гады існавання прэміі, калі дзве галоўныя ўзнагароды дасталіся аднаму выканаўцу.

– Самае прыемнае ў гэтых узнагародах – яны адлюстроўваюць меркаванне калег. Дзякуй усім, хто ацаніў менавіта нас, хаця вартых кандыдатур у анкетах хапала, – каментуе лідар гурта Аляксандр Дземідзенка. – Асобны дзякуй, што ўзнагароды мы атрымалі ад людзей, якіх мы вельмі паважаем – і як людзей, і як выканаўцаў, і як легендарных асобаў – Лявона Вольскага і Ігара Варашкевіча. Мы пачыналі слухаць іх творчасць, калі былі дзецьмі, і яны так ці інакш паўплывалі на нас, яклі мы пачалі граць музыку. Калі адбываюцца такія рэчы, разумееш – любая мара можа здзейсніцца.

Re1ikt "Лекавыя травы" 

Гурт Re1ikt плануе адсвяткуе свае ўзнагароды на канцэрце, які адбудзецца ў гэту нядзелю, 29 мая, у клубе "Бруге" (Партызанскі праспект, 6а) пры ўдзеле гурта Vuraj. Квіткі каштуюць ад 100 да 120 тысяч. Даведка па тэлефонах: (029) 860 42 15, (029) 694 07 40.

У межах Rock Profi 2016 прагаласавалі 66 гуртоў і сольных артыстаў, было разгледжана 45 альбомаў і 92 песні, якія выдаваліся ў якасці сінглаў і кліпаў. Арганізатары прэміі: Павел Юрцэвіч (студыя "Осмас", клуб ili) і Зміцер Безкаравайны (Experty.by). Пратаколы галасавання апублікаваныя на старонках прэміі ў Facebook і Vkontakte.

Пераможцы Rock Profi 2016:

Дэбют года: Super Besse

Лепшы запіс (прыз гукарэжысёрам): Аляксандр Геліх за Серебряная Свадьба "Музыка - всё!"

Лепшая песня: Brutto "Родны край"

Лепшы альбом: Re1ikt "Лекавыя травы"

Артыст года: Re1ikt

За ўнёсак у беларускую музыку: этна-трыа Троіца


14:20, 27.05.2016 | Навіны |




Камэнтары праз FACEBOOK



 
In 0.0462 seconds.