«Dzievacki i Kosmas» — Akute выклалі ў сеціва свой першы альбом
Доўгачаканы альбом магілёўцаў Akute сёньня прэзэнтаваны сьвету. 11 трэкаў у вольным доступе зьявіліся 1 чэрвеня на сайце гурта.
Akute на фэстывалі Be2gether
Пераможцы фэстывалю «Басовішча-2010» і адзін з самых пэрспэктыўных маладых гуртоў Беларусі сёньня прапанавалі свой альбом задарма на akutemusic.net. Аднак сэрвэр гурта спачатку не справіўся з попытам ад прыхільнікаў пэўны час не працаваў.
Дэбютны альбом Akute можна ўзяць з сайту Ultra-music, які пасьпеў спампаваць яго ў магілёўцаў: http://files.ultra-music.com/mp3/akute.zip
Трэк-ліст:
- «Адшукай»
- «Прамяні pt.2 (Sviaci)»
- «Машына»
- «Шчасьце»
- «Павольна»
- «Непазьбежна»
- «Прамяні pt.1»
- «Ctrl»
- «Цішыня»
- «Агонь»
- «Адзіноцтва»
Альбо быў запісаны на студыі «арзамас16», гукарэжысэр Дзяніс Маненак. Станіслаў Мытнік — гітара, вакал. Раман Жыгараў — бас гітара, дадатковы спеў. Павал Емельянаў — бубны.
Бліжэйшы выступ Akute ў Менску заплянаваны на 10 чэрвеня ў клюбе «Графіці». Сэт гурта таксама анансаваны на сёлетнім фэстывалі «Басовішча».