У беларускім фінале Emergenza перамаглі No comment Band
Беларускі адбор на міжнародны фэст Emergenza завершыўся перамогай гурта No Comment Band.
У выніку галасаваньня ў беларускім фінале адбору на міжнародны фэст Emergenza месцы падзяліліся так:
- No Comment Band
- J-J BINGZ
- The Fraiz
- CLOVER CLUB
- Mechanical heart
- Sang Sattawood
- Marie Chante Quelle Elle Telephone.
Emergenza — гэта музычны марафон, які праходзіць у больш чым 20 краінах сьвету: сотні тысяч музыкаў на тысячах канцэртаў граюць жывую музыку. Гэта найбуйнейшы міжнародны музычны фэстываль для пачаткоўцаў і паўпрафэсійных гуртоў. Фэстываль праходзіць ва ўсіх найбуйнейшых гарадах заходняй Эўропы і Паўночнай Амэрыкі. Удзел у ім могуць прыняць каманды любой стылёвай накіраванасьці, якія выконваюць як свае ўласныя творы, так і кавэры. Гэты музычны марафон складаецца зь некалькіх прэстыжных міжнародных этапаў.
Адборачны тур фэстывалю ў Менску праходзіў упершыню. Сёлета геаграфія Emergenza пашырылася на Маскву, Санкт-Пецярбург, Менск, Казань, Калінінград, Іванава і Екацярынбург. Пераможцы будуць прадстаўляць сваю краіну на найбуйнейшым форуме незалежнай рок-музыкі - міжнародным фінале Emergenza, які праходзіць у межах трыццацітысячнага Taubertal Open-Air (Германія).
Глядзіце таксама: