1 чэрвеня адкрыцьцё выставы «Нашыя дзеці»

Валанцёрская ініцыятыва «Разам дзецям»  ладзіць фотавыставу «Нашыя дзеці», адкрыцьцё якой адбудзецца 1-га чэрвеня ў кавярні «Стары Менск».

Сярод фотаздымкаў можна будзе ўбачыць працы Андрэя Лянкевіча, Ксеніі Авімавай, Тацьцяны Зянковіч і іншых фотамайстараў.

«Дзяцінства, па сваёй сутнасьці, павінна быць шчасьлівай парой. Добра, калі дзіцё мае клапатлівых бацькоў, цеплыню сямейнай любові. Дрэнна, калі ня мае. Але нават у такім, на першы погляд, горкім дзяцінстве знаходзіцца месца ўсьмешцы і радаснай хвілінцы», — кажуць арганізатары імпрэзы.

Фотавыстава — доказ гэтым словам. З дапамогай фотаздымкаў арганізатары паспрабавалі прасачыць жыцьцё з моманту нараджэньня і да моманту пераходу ў дарослае жыцьцё.

На адкрыцьці чакаецца пазытыўнае музычнае суправаджэньне.

Кавярня «Стары Менск» (пр. Незалежнасьці 14), 18:00 — 01.06.2009