Фізык матэматычным шляхам даказаў, што вампіры ня існуюць

Амэрыканскі прафэсар фізыкі даказаў з дапамогай простых матэматычных разьлікаў, што міт пра існаваньне вампіраў зьяўляецца толькі мітам.

Лёгіка разьлікаў вельмі простая. Яна грунтуецца на тым, што ў адпаведнасьці зь легендай вампіры ўжываюць чалавечую кроў замест ежы і кожны, каго ўкусіў вампір, сам робіцца вампірам і пачынае піць кроў іншых.

Разьлікі амэрыканскага прафэсара 

На 1 студзеня  1600 года на Зямлі было 536 млн чалавек. Калі б першы вампір зьявіўся ў гэты дзень і кусаў бы па адным чалавеку штомесяц, то на 1 лютага 1600 года было ўжо два вампіры. Яшчэ празь месяц іх было б чатыры і г.д. Спатрэбілася б толькі два з паловай гады, каб ўсё чалавецтва пераўтварылася б у вампіраў і ім бы ня было чаго піць.

Калі да гэтых дадзеных дадаць сьмяротнасьць, то людзі б зьніклі яшчэ хутчэй 

//паводле LiveScience