Фотарэпартаж з вандроўкі на байдарках па Нёмане 2009
Заплыў гэтага году па Нёмане завершаны! Экстрэмальныя прыгоды ў артыкуле з вандроўкі на байдарках, а ў фотаблогу вялікі фотарэпартаж з воднага падарожжа васьмёх заўзятараў прыгодаў.
Скласьці байдаркі - справа няпростая і патрабуе ўважлівасьці і цярпеньня.
Вучацца ўсе.
Традыцыйна байдаркі аздабляюцца сьцяжкамі.
Наша першая стаянка - мінулым годам тут быў высачэзны бераг.
Але вада паднялася на два мэтры.
Сустрэты намі мятлік, які на вачох выпаўзаў з кукалкі.
Насьця і Дзёня вяртаюцца з выезду за вадой - набіралі па цэнтры Нёману, дзе плынь памацней, каб вада была чысьцейшаю, бо на беразе зусім цёмная.
Першая ноч на Нёмане. Вячэраем і кормім статкі камароў.
Страшная карціна раніцы наступнага дня. У рацэ безьліч дохлай рыбы, а малыя ўюнкі літаральна выскокваюць на бераг.
Пасьля ваганьняў уюнкі былі сабраныя для вухі, якую так і не паелі.
Усе задаволіліся смачным курыным супам зь Нёманскай вады, няхай і падазронай пасьля ўбачанага раніцай.
Прайшла навальніца.
Шукаем адзін на адным кляшчоў. Бо Вічка аднаго падчапіла, але дасталі хутка народнымі сродкамі.
Абмяркоўваем далейшыя пляны і зьбіраем рэчы.
Але суп трэба даесьці. Вядро на васьмёх - хіба гэта шмат? :)
У кожнай байдарцы — па дзяўчыне. А той, хто сядзіць сьпераду — накіроўваючы.
Месцамі Нёман разьліваўся як сапраўднае возера.
У такія момант і грэбсьці ня хочацца: проста назірай за прыгажосьцю вакол і лічы гарлачыкаў у вадзе.
Пасьля такой прыгажосьці нас чакаюць непрадказальныя балоты.
Абмеркаваньне пляну «В» па пераадоленьні бабровай плаціны.
Стаім у балотах. Пад травою — таксама вада.
Ад чорных піявак і іншай балотнай жыўнасьці лепей схавацца ў байдарку.
"Мы ў балотах..."
Фотак самой плаціны няма, бо ў такой сытуацыі камэру лепей не даставаць - самому б застацца ў байдарцы і не перакуліцца. Затое гэты здымак - адразу пасьля плаціны. Яе крыху бачна зьлева, а справа яна ўжо парасла травой. За плацінай - круты паварот, таму плынь магутная.
Жыхары нашай наступнай стаянкі.
Сонечная раніца.
Бераг круты і рака надта глыбокая. Але для аматараў паныраць - раздольле. Галоўнае, каб плыньню ня зьнесла далёка.
Мятлікі і стракозы зусім не баяцца людзей — сядаюць наўпроста на ногі, ці галаву.
Каб захаваць ўсе ўражаньні і эмоцыі з прыгодаў - лепей сецьці і запісаць у нататнік, зьвесіўшы ногі ў ваду.
На падыходзе грэчка з тушанінай. Юрка шаманіць. Падпісваю здымкі і ўзгадваю гэтую смакату.
Берагі моцна затопленыя, таму многія дрэвы апынуліся проста ў цэнтры Нёману.
Вунь там зьлева віднеецца нашая стаянка. Людзі там спыняюцца рэдка, бо ў звычайны час надта высокі бераг, а трапіць туды можна толькі з вады.
Час зьбірацца і рушыць далей!
Такая ў нас вясёлая кампанія зь вёсламі :)
Галоўнае - да ўсяго ставіцца з гумарам :)
А вось і знаёмы пэйзаж у Стоўбцах - тут завяршаецца нашае падарожжа.
Мы прыйшлі першымі! :)
Час вяртацца ў Менск.
Чытайце таксама артыкул з гэтай вандроўкі "На байдарках па Нёмане 2009: вялікая вада, бабровыя плаціны і прыродныя загадкі", а таксама глядзіце фотарэпартаж з нашай вандроўкі гэтым жа маршрутам мінулым годам.
Аўтары фота: Юра Сідун і Воля Кузьміч