Піт Паўлаў у навагоднюю ноч будзе піць гарбату і глядзець тэлевізар

Чарговым у шэрагу апытаных стаў Піт Паўлаў. Выпускнік Радыё-тэхнічнага Інстытута (цяпер БДУіР), вядомы як гітарыст гурта NRM, а таксама лідар гуртоў Garadzkija і PetePaff распавядае пра сьвята Новага году ў студэнцкія часы і плянах на сьвяткаваньне сёлета. 

- Як сьвяткавалі Новы Год у студэнцкія гады? 

У студэнцкія гады мы часта пад час сьвяткаваньня Новага Года ладзілі канцэрты. Наш гурт называўся "Испорченный понедельник". Сваіх песьняў мы не выконвалі, а сьпявалі тагачасныя гіты. А яшчэ часьцей – сьвяткавалі традыцыйна: сямейным колам. Таму нічога адметнага адразу і не ўзгадаеш.

- Як зьбіраецеся адзначаць надыходзячыя сьвяты?

Наконт сьвяткаваньня пакуль нічога ня вырашылі. Плянуецца, што PetePaff зладзіць некалькі выступаў на закрытых вечарынах. А навагоднюю ноч зьбіраюся сустрэць з сямьёй у маленькай сяброўскай кампаніі. Паглядзім тэлевізар, гарбаты папьем.