Гурт «Ляпіс Трубяцкой» прадстаўляе першы сінгл з будучага альбома — песню «Танцуй!».
Трэк «Танцуй!», які быў выкладзены сёння на афіцыйным сайце гурта, запісаны падчас веснавога тура Lyapis Crew на эксперыментальнай перасоўнай студыі «Партызан Рэкардс». Над запісам, звядзеннем і майстарынгам песні працавала творчая арцель ў асобе Андрэя Баброўкі (Мінск), Улада Яруна (Кіеў) і Тэда Джэнсэна (Нью-Ёрк). Вынік «Ляпісам» вельмі спадабаўся, і хутчэй за ўсё, увесь новы альбом гурта будзе запісаны ў супрацоўніцтве з гэтым інтэрнацыянальным трыа.
Песня «Танцуй!» даступная для запампоўкі ў iTunes.