Вандроўка ў ЗША для старшакласнікаў
Амбасада ЗША запрашае беларускіх школьнікаў далучыцца да праграмы моладзевага лідэрства, фіналісты якой адправяцца на лета ў сем’і амерыканцаў.
Праграма моладзевага лідэрства ў Беларусі (the Youth Leadershіp Program або YLP) складаецца з чатырохтыднёвай стыпендыяльнай праграмы, прызначанай для садзейнічання развіццю ўзаемаразумення паміж народамі Злучаных Штатаў і Беларусі.
Моладзь з Беларусі і ЗША будзе удзельнічаць у семінарах і мерапрыемствах, накіраваных на развіццё такіх навыкаў, як праца ў камандзе, пастаноўка мэтаў, планаванне праектаў, грамадскі ўдзел і валантарыят. YLP падтрымліваецца Дзяржаўным дэпартаментам ЗША.
Дадатковая тэма праграмы — вытворчасць прадуктаў харчавання, у межах якой моладзь пазнаёміцца са спосабамі арганізацыі грамадскіх праектаў і пошуку партнёраў сярод навучальных праграм ў галінах планавання гарадскіх садоў, гарадскога азелянення і арганічнага садоўніцтва.
Патрабаванні да ўдзельнікаў
Каб падаць заяўку на ўдзел у праграме, вы павінныя задавальняць патрабаванням, якія пазначаны ніжэй. Калі вы пройдзеце ў наступны этап, вам будзе неабходна прадставіць дакументы, якія пацвярджаюць адпаведнасць патрабаванням.
Заяўнікі на ўдзел ў Праграме моладзевага лідэрства:
- Павінныя мець ад 15 да 17 гадоў (дата нараджэння павінная быць паміж 1 студзеня 1996 года і 1 мая 1998 года ўключна);
- Павінныя навучацца ў 8, 9 альбо 10 класе;
- Павінныя мець акадэмічную паспяховасць «добра» альбо вышэй;
- Павінныя вывучаць англійскую мову і дэманстраваць высокі ўзровень валодання ёю падчас рэгістрацыі;
- Павінныя быць грамадзянамі Рэспублікі Беларусь;
- Павінныя прадэманстраваць лідэрскі патэнцыял і жаданне зрабіць свой унёсак у развіццё супольнасці;
- Павінныя адпавядаць патрабаванням для атрымання візы ЗША;
- Павінныя мець магчымасць паехаць у ЗША ў ліпені 2013 года;
- Не павінныя быць бліжэйшымі сваякамі людзей, якія працуюць з YLP ў Дзяржаўным дэпартаменце ЗША, альбо адной з арганізацый-выканаўцаў.
Як падаць заяўку?
- Запоўніць форму заяўкі, адказаць на пытанні онйлан і адаслаць астатнія неабходныя дакументы па электроннай пошце, звычайнай поштай альбо даставіць асабіста ў пасольства ЗША ў Мінску.
- Запоўніць папяровую форму, у тым ліку адказаць на пытанні эсэ, раздрукаваць і прадставіць іх разам з неабходнымі дакументамі па звычайнай пошце, электроннай пошце альбо даставіць асабіста ў пасольства ЗША ў Мінску.
Неабходныя дакументы
- Заяўка (папяровая альбо onlіne), у тым ліку пытанні эсэ;
- Фатаграфія для візы ці яе электронная версія, зробленая на працягу апошніх шасці месяцаў;
- Копія пашпарта альбо пасведчання аб нараджэнні.
Калі ў вас узнікнуць пытанні па праграме, пішыце на ylpbelarus@gmaіl.com.
Заяўкі павінныя быць атрыманы офісам праграмы да 28 лістапада 2012 года.