ЭГУ запрашае беларускіх студэнтаў на канфэрэнцыю
Эўрапейскі гуманітарны ўнівэрсытэт праводзіць штогадовую студэнцкую навуковую канфэрэнцыю, прысьвечаную сучасным праблемам грамадзтва, культуры і палітыкі ў эўрапейскім вымярэньні. Унівэрсытэт пакрывае візавыя і дарожныя выдаткі, а таксама забясьпечвае пражываньне.
У штогадовай канфэрэнцыі ЭГУ 13 — 15 траўня 2011 году могуць браць удзел студэнты любых беларускіх ВНУ усіх формаў навучаньня. Для ўдзелу неабходна выбраць сэкцыю, на якой будзе прадстаўленая праца, а таксама падаць яе тэзісы.
Мяркуецца праца наступных сэкцыях:
- Міжнароднае і эўрапейскае права ў фарміраваньні правапарадку краін Усходняй Эўропы;
- Тэндэнцыі разьвіцьця нацыянальнага права ў краінах Усходняй Эўропы;
- Беларусь і эўрапейская ідэнтычнасьць;
- Турызм у XXI ст.: навакольнае асяродзьдзе, спадчына, ідэнтычнасьць і глябалізацыя;
- Праблемы інтэрпрэтацыі гістарычнай спадчыны Вялікага Княства Літоўскага;
- На шляху да незалежнай Беларусі: праблемы станаўленьня беларускай нацыі і дзяржаўнасьці;
- Гісторыя штодзённасьці Беларусі;
- Мэдыякультура: аналіз, інтэрпрэтацыя, крытыка;
- Гендэрныя дасьледаваньні: ад тэорыі да практыкі;
- Сучасныя
сацыяльна-палітычныя працэсы ў Цэнтральнай і Ўсходняй Эўропе; - Віртуальны ўнівэрсытэт: праблемы дыстанцыйнай адукацыі;
- Вобразы сучаснасьці ў мастацтве;
- Свабода, кантроль і салідарнасьць у эпоху глябалізацыі;
- Крэатыўныя практыкі ў гарадзкой прасторы.
Працоўныя мовы канфэрэнцыі: беларуская, расейская, ангельская. Па выніках канфэрэнцыі плянуецца выданьне зборніка навуковых прац; найбольш цікавыя даклады будуць адзначаныя дыплёмамі ЭГУ.
Для ўдзелу ў канфэрэнцыі неабходна да 14 красавіка даслаць заяўку і тэзісы (кароткі зьмест даклада) па электроннай адрэсе: studentconference@ehu.lt. Для ўдзельнікаў, якім неабходная віза, тэрмін падачы заяўкі і тэзісаў да 28 сакавіка.
ЭГУ аказвае візавую падтрымку ўдзельнікам, арганізуе пражываньне ў Вільні, удзельнікам зь Беларусі будзе выплачаны грант на дарожныя выдаткі ў памеры 15 эўра.