Джазавыя серады ў Graffiti вырасьлі ў фэст «Jazzcpeda»

Фэстываль беларускага джазу «Jazzcpeda» пройдзе 7 лістапада ў клюбе «Мулен Руж». У праграме выступяць гурты Symphonic Drive Orchestra, Apple Tea, Chiefs Band, Real Jazz Band, а студэнты музычных спэцыяльнасьцяў атрымаюць зьніжкі на квіткі.

Менскі паб-клюб «Графіці», у праграме якога штосераду выступаюць джаз-каманды, рэкамэндуе Фэстываль беларускага джазу «Jazzcpeda». Фэстываль пройдзе 7 лістапада (нядзеля) з 16.00 па 22.00 у клюбе «Мулен Руж» (вул. Кальварыйская 1, ст.м. Фрунзенская).

Кошт квіткоў папярэдне: 45 000. Танцпляц: 25 тыс. папярэдне, 30 — пасьля 10.10, 35 — на месцы. Усім студэнтам Музычных акадэміі і вучэльні, Кансэрваторыі, Унівэрсытэта культуры і Акадэміі мастацтваў уваход 20 000 (толькі папярэдне і па 1-м на рукі).