21 чэрвеня «АДрыў» па вясёлках і Вясьнянках

На выходных у Менску пройдзе чарговы этап гульні гарадзкога арыетаваньня «АДрыў». Звацца ён будзе «Вясёлкавы» і дазволіць супернікам у трох катэгорыях (роварнай, пешаходнай і транспартнай) дасканала вывучыць паўночна-заходнюю частку Менску.

Папярэдні менскі АДрыў сабраў рэкордную за гісторыю гульні колькасьць удзельнікаў. Тады па вуліцах паўднёвага захаду сталіцы швэндалася чатыры сотні ўдзельнікаў з розных гарадоў і краін.

Сёлета праект АДрыў сьвяткуе пяцігодзьдзе.

Каб адолець ўсе 30 км. пешаходнай альбо 40–60 км. роварнай дыстанцыі, арганізатары заклікаюць захапіць хаця б новы атляс гораду, мабільны тэлефон і асадку.

Падрабязьней пра АДрыў на сайце гульні.