Сталіца ЗША атакаваная СНІДам

Сталіца ЗША Вашынгтон змагаецца з эпідэміяй ВІЧ-інфэкцыі, на якую хварэюць ўжо больш за 3% насельніцтва горада. Па колькасьці захворваньняў Вашынгтон займае першую пазыцыю сярод іншых штатаў ЗША.

Сталіца ЗША Вашынгтон змагаецца з эпідэміяй ВІЧ-інфэкцыі, на якую хварэюць ўжо больш за 3% насельніцтва горада. Па колькасьці захворваньняў Вашынгтон займае першую пазыцыю сярод іншых штатаў ЗША.

І ўзровень захворваньняў працягвае расьці. За апошнія два гады колькасць выяўленых выпадкаў хваробы павялічылася на 20%. Згодна зь інфармацыяй гарадскога цэнтра аховы здароўя, каля 3% насельніцтва горада ВІЧ-інфікаваныя. Такі ж узровень захворваньня назіраецца ва Угандзе і некаторых раёнах Кеніі. Згодна з ААН, стан эпідэміі абвяшчаецца ў тым выпадку, калі колькасьць хворых дасягае 1% насельніцтва.

У Вашынгтоне большасьць інфікаваных — афраамэрыканцы. І найбольш СНІД прайшоўся па мужчынах ва ўзросьце ад 40 да 50 гадоў.

Улады і грамадзкасьць ужо ня першы год абмяркоўваюць магчымыя выйсьці з сытуацыі. Прапаноўваецца зрабіць акцэнт на дадатковым тэставаньні СНІДу, а таксама пашырэньні інфармацыйнай кампаніі. Але вашынгтонскі мэр Эдріян Фэнці лічыць, што інфармацыя пра інфэкцыю хутчэй за ўсё будзе залятаць у адно вуха і вылятаць зь іншага.

Мэдыкі называюць тры асноўныя шляхі трапляньня інфэкцыі ў арганізм: сэкс паміж мужчынам і мужчынам, гэтэрасэксуальны сэкс і інфэкцыі, якія заносяцца праз ужываньне наркотыкаў.

Згодна зь інфармацыяй Рэспубліканскага цэнтра гігіены, эпідэміялёгіі і грамадзкага здароўя, колькасьць ВІЧ-інфікаваных у беларускай сталіцы дасягнула 1 392, а ва ўсёй Беларусі 9 911 чалавек.

Паводле BBC News