«Крамбамбуля» ладзіць канцэртны круіз «Хвалі пазытыву»
Крамбамбуля актыўна рыхтуе новую праграму «Хвалі пазытыву», прэм’ера якой у Менску адбудзецца 21 траўня на сольным канцэрце. Таксама ўпершыню пасьля вялікага перапынку Крамбамбуля паедзе ў тур па Беларусі.
Фота з канцэрту Крамбамбулі 14 лютага да Дня Сьвятога Валянціна ў West World Club.
«Хвалі пазытыву» — гэта працяг добрай традыцыі «Крамбамбулі» рабіць кожны сэзон эксклюзіўную праграму, якая зьмяшчае вядомыя хіты і новыя экспэрымэнты, а таксама адлюстроўвае спэцыфічны настрой моманту. Гэтым разам галоўная тэма — надыход лета зь яго яркім сонцам, блакітным небам і доўгачаканымі вакацыямі.
«Ужо ёсьць некалькі новых песень, адна зь якіх мае працоўную назву „Хіцяра“, — распавядае Лявон Вольскі. — Таксама на менскім выступе плянуем паказаць некалькі новых дуэтаў, але й не забудземся на зробленыя раней. Мы ўжо запрасілі выйсьці з намі на сцэну Сьвятлану Зелянкоўскую, Ганну Хітрык і Вольгу Самусік».
З новай праграмай «Крамбамбуля» паедзе ў першы за некалькі гадоў тур па Беларусі:
- Гомель (15 траўня, ГЦК)
- Магілёў (16 траўня, «Ліга»)
- Горадня (22 мая, КЗ Філармоніі)
- Берасьце (23 мая, ДК Прафсаюзаў).
- 21 траўня, КЗ «Менск»
- Крамбамбуля, пры ўдзеле С.Зелянкоўскай, Г. Хітрык, В.Самусік і інш.
- Пачатак 19.00.
- Квіткі: 15–37 тыс.
- Даведка: VELCOM (29) 655 55 96, МТС (33) 655 55 96
паводле прэс-рэлізу