Зьявілася праграма, здольная абараніць аўтарскія правы ў сеціве

Кожная мэдыя-кампанія ўсьведамляе, што ейныя тэксты, здымкі, кампазыцыі і відэа без дазволу распаўсюджваюцца па сеціву. І зараз зьявілася праграма, якая зможа абараніць аўтарскія правы: Attributor будзе адсочваць любое несанкцыяванае выкарыстаньне прадметаў капірайта.

Кампанія Attributor была створанай у 2005. Днямі зьявілася прамысловая вэрсія аднайменнай праграмы. Яна ўжо была пратэставаная агенцыямі Reuters і Associated Press.

Attributor ужо адсочвае 100 мільёнаў вэб-старонак штодня. Але гэта толькі пачатак. На сёньняшні дзень праграма кантралюе толькі выкарыстаньне тэксту. На падыходзе малюнкі. Напачатку наступнага году будзе магчыма адсочваць і відэа.

Attributor робіць розьніцу між сайтамі, якія без спасылак выкарыстоўваць увесь матэрыял або большую ­яго частку і тымі, якія проста капіююць невялічкія кавалкі. Таксама Attributor пазначае, на якіх сайтах стаіць спасылка на першакрыніцу, а на якіх — не.

Напрыклад, аналіз зьместу матэрыялаў з Рeople.com паказаў, што з 265 тысяч выкарыстаных матэрыялаў сайту 103 тысячы падаваліся без спасылкі.

Паслугі Attributor будуць каштаваць кампаніям ад дзесяткаў тысяч да дзесяткаў сотняў даляраў на год. Але ёсьць і варыянт для блогераў і малых праектаў — 6–7 даляраў на месяц. Але такая малабюджэтная вэрсія зьвіцца толькі напачатку 2008.